Kritikal paylaeng ti kondisyon ti babae nga agtawen iti 69 a biktima ti maatap a physical assault wenno posible nga attempted homicide a napasamak idi Agosto 26, 2026.
Maibasar iti kaudian a report ti kapulisan, nupay stable ti kasasaad ti biktima, kritikal ti kondisyonna iti ICU ti maysa a pagagasan iti siudad.
Nakasecure metten dagitoy iti CCTV footages a makatulong para iti pannakabigbig ti suspek.
Nagrequest metlaengen dagitoyen iti DNA examination kadagiti nakolekta nga ebidensya.
Maipalagip nga iti 8:30 AM/PM ti Agosto 26, nakaawat ti report ti kapulisan manipud iti maysa a driver wenno helper ti biktima nga agtawen iti 37.
Iti inisyal nga imbestigasyon ti pulisya, nagturong ti driver idi Agosto 25 idiay Pangasinan tapno agparehistro ti luganda.
Bayat a nakabyahe ti driver, namin adu a daras a kinontakna ti biktima agingga a nakasubli daytoy iti siudad ti alas-3 ti parbangon ngem saan a pulos a simungsungbat ti biktima.
Apaman a nakagteng daytoy iti pagtaengan ti biktima, nagtuktok daytoy iti kuwarto ti biktima ngem awan ti simmungsungbat.
Gapu ta awan ti sumungsungbat, napan latta daytoy naturog.
Iti alas-8 ti agsapa, saanna a pulos a nakita ti biktima a rinumuar manipud iti kwartona. Gapu iti daytoy, nagreport a dagos daytoy iti pulisya.
Nagturong met a dagos ti kapulisan iti pagtaengan ti biktima ken kinumpirmarda nga a saan a sumungsungbat ti biktima, pinilitdan a linukatan ti ruangan tapno kitaen ti kasasaad wenno sitwasyon ti biktima.
Ditada metten a nakita ti biktima nga awanen puotna iti uneg ti CR, dara-dara ngem agang-anges paylaeng.
Dagos met daytoy a naitaray iti pagagasan.
Iti inisyal a findings ti attending physician ti biktima, nagsagrap daytoy iti dua a stab wounds ken adda metlaeng ti sings of strangulation, facial bruising, resistance wounds iti imana ken fracture iti tammudo ken tengngedna. //via Bombo Noveh Organo
