Ginuyugoy ni Interior Secretary Jonvic ti Department of Education (DepEd) nga suruan dagiti estudyante nu kasatno nga aramaten ti Emergency 911.
Sigun kenkuana, napateg a maamuwan dagiti estudyante nu anya dagiti rumbengda nga awagan iti kanito nga adda dagiti mapasamak a kinaranggas iti uneg ken ruwar ti pagadalan.
Daytoy ket kas paset iti panangsigurado iti seguridad dagiti estudyante ken school personnel iti uneg ti pagadalan.
Maipalagip a manipud idi napasamak ti insidente ti kinaranggas kadagiti pagadalan iti pagilian, nangiwarasen ti Philippine National Police (PNP) kadagiti tao da kadagiti pagadalan tapno agbantay.
Timmulong metlaeng ditoy dagiti barangay tanod no sadino mangipatpatungpalda iti bag checking kadagiti estudyante sakbayda nga umuneg iti pagadalan.
