Pinainget ti siudad ti Baguio ti kampanya kontra iti human trafficking ken kinaranggas kadagiti ubbing ken babbai babaen iti pannaka-reconstitute ti Anti-Trafficking and Violence Against Women and their Children (LCAT-VAWC).
Babaen iti Executive Order No. 122, series of 2026 nga impaulog ni Mayor Benjamin Magalong, nareconstitute ti nasao a council no sadino agserbi kas chairperson ni Mayor Magalong ken agserbi met kas co-chairperson ni Councilor Betty Lourdes Tabanda, chairperson of the City Council Committee on Social Services, Women and Urban Poor.
Agserbi met kas action officer ken dadaulo ti council secretariat ni City Social Welfare and Development Officer Liza Bulayungan.
Babaen ti pannakareconstitute ti Anti-Trafficking and Violence Against Women and their Children , mapaingetan pay ti local protection system ken masigurado a dagos a maikoordinar dagiti kaso a nakairamanan dagiti ubbing ken babbai para iti maiyanaup nga aksyon dagiti otoridad.
Iparparangarang metlaeng ti nasao nga initiatiba ti agtultuloy a komitment ti siudad ti Baguio iti panangsigurado a natalged ti siudad para iti publiko nangnangruna kadagiti ubbing ken babbai manipud iti kinaranggas, exploitation ken panangabuso.
