Kinumpirmar ni Sandiganbayan Third Division Clerk of Court Atty. Dennis Pulma nga addan iti sidong ti kustodiya ti Bureau of Jail Management and Penology (BJMP) ni sigud a House Speaker Martin Romualdez.
Daytoy ket kalpasan nga impaulog ti Sandiganbayan Third Division ti commitment order a maibalud ni Romualdez iti New Quezon City jail sadiay Payatas.
Sigun kenni Atty. Pulma, dagiti personnel manipud iti BJMP Payatas Male Dormitory ti agbantay iti sigud nga speaker.
Nupay kasta, mabalin latta a tumulong ti Philippine National Police-Criminal Investigation and Detection Group (PNP-CIDG) no maipapan iti panangsalaknib kenni Romualdez.
Agserbi metlaeng dagiti personel ti BJMP kas primary custodian.
Maipalagip nga ida iti kustodiya ti Philippine National Police (PNP) ni Romualdez idi Setiembre 07, sakbay a nangipaulog ti anti-graft court iti commitment order idi Setiembre 10, 2026.
Kabayatanna, intuding ti Sandiganbayan Third Division intun Septiembre 11 ti Day 2 iti panagdenggeg seknan iti motion ni Romualdez para iti hospital detention daytoy.
