Indatag ti kampo ni Vice President Sara Duterte iti Korte Suprema ti urgent motion tapno marisut ti aplikasionna para iti temporary restraining order iti kaso a grave threats a naipila kontra kenkuana iti Quezon City Regional Trial Court.
Naipila ti mosion idi Lunes, Setiembre 7, kalpasan ti pannakaipila ti kaso idi Biernes, Setiembre 4, ken panagpiyansa ni Duterte idi Sabado, Setiembre 5.
Immuna a nangipila ti kampo ni Duterte iti mosion idi Setiembre 4 a mangkidkiddaw iti SC nga ibilinna ti pannakaisubli dagiti warrant.
Malaksid iti dayta, nangipila ti kampo ti Bise Presidente idi Agosto 21 iti motion for certiorari ken prohibition a dumawdawat a maibasura ti kaso daytoy.
Naituding ti arraignment daytoy inton Biernes, Setiembre 11.
Maipalagip nga impila ti Department of Justice idi Agosto 11 iti grave threats charges kontra kenni Duterte mainaig kadagiti balikasna iti online press conference idi 2024.
Iti nasao a conference, kinuna ni Duterte nga addan ti nakasaritana a mangpapatay kenni President Ferdinand “Bongbong” Marcos Jr., First Lady Liza Araneta-Marcos, ken Speaker Martin Romualdez no mapapatay daytoy.
