Naituding a mangipila ti Department of Foreign Affairs (DFA) iti diplomatic protest kontra iti pagilian a China seknan iti maatap a panagpaputokda iti flares ti People’s Liberation Army kontra iti Philippine Coast Guard (PCG) aircraft a mangipatpatungpal iti Mariime Domain Awareness flight idiay Kalayaan Island Group.
Sigun kenni Misamis Occidental 2nd District Representative Sancho Fernando Oaminal, maururay pay laeng ti detalye iti napasamak nga insident sakbay a pormal a maipila ti nasao a protesta.
Ginuyugoy met ti Philreca Partylist Representative Presley De Jesus ti DFA a mangipatungpal pay iti nagsina a protesta seknan iti surat nga intedda kenni Defense Secretary Gilberto Teodoro,Jr kabayatan iti mismo a panagsaritana iti Seoul Defense Dialogue idiay South Korea itay nabiit.
Linaon ti nasao a surat ti panangirangarang iti China a saanda a bigbigen ti 2016 Arbitral Ruling Award.
Impetteng met ni Oaminal a nasaysayaat a resolbaen ti nasao nga issue babaen iti diplomatic channels kas maitunos iti courtesy ken panagbalin a propesyonal iti international engagement.
Impetteng met ti nasao nga ahensya a respetuenda dagiti nagbalin ken agbalinto pay nga statement ni Teodoro tapno idepensa ti pagilian babaen iti diplomasya.
