Guyguyugoyen ita ti Department of Agriculture ti publiko nga agbalin a responsable iti panagkunsumo kadagiti bagas.
Iti interview ti Bombo Radyo, impeksa ni Charlene R. Bumanglag manipud Department of Agriculture-Philippine Rice Research Institute a ti kangrunaan a mensahe ti nasao a programa ket ti ABC :
Avoid Rice Wastage,
Buy Our Farmers’ Rice,
ken Choose Healthier Rice.
Kinuna pay ni Bumanglag, nga adda dagiti healthier rice option a kas dagiti High Zinc Rice, Low Glycemic Rice , Bran Rice, ken Tide Moco Rice nga addaan iti napapateg a benipiso iti bagi.
Nupay kasta, imbinglayn a dagiti High Zinc Rice ken Low Glycemic Rice ket maidiaydiaya laeng idiay Region 2, Isabela nu sadino ti Mannalon Agriculture Cooperative (BALMACO) ti mangproseso iti daytoy.
Kiniddaw metlaeng daytoy kadagiti local policymakers, consumers, farmers a suportaran da iti Be Riceponsible Everyday campaign tapno agbalin a responsable ti panagkonsumo iti makan ken suportaran iti healthier rice options a makatulong met iti salun-et. //kcs//
