Impeksa ti Office of Civil Defense (OCD) idi Sabado a mabalin nga aramaten ti gobierno ti nasurok P7 Billion a pondo manipud iti National Disaster Risk Reduction and Management (NDRRM) Fund para iti solusion ken panangipaay iti ayuda kadagiti maapekataran iti El Niño.
Sigun kenni OCD spokesperson and Director for Disaster Preparedness Service Vic Tomas, nakasagana ti P7.864 billion a pondo ti NDRRM para iti aniaman a response measures a mabalin a kasapulan mainaig iti tikag.
Impeksa ni Tomas a naideklara itan ti state of calamity kadagiti 106 a lugar iti pagilian gapu iti El Niño.
Kabayatanna, nakasagana metlaeng ti P6.685 billion a pondo iti sidong ti Disaster Rehabilitation and Reconstruction Assistance program para kadagiti lugar a nangideklara iti state of calamity.
