--Ads--
Kidkiddawen da Senador Sherwin Gatchalian ken Senator Panfilo Lacson ti natalna ken natalged a pannakatiliw ni Sen. Ronald “Bato” dela Rosa nga ibilbilang dagiti otoridad nga armado ken napeggad.
Impaganetget ni Gatchalian ti kinatalged ni Dela Rosa ken dagiti otoridad, bayat nga impetteng ni Lacson a rumbeng a raemen ti karapatan ti senador iti due process.
Immuna a nangidiaya ti Department of the Interior and Local Government iti ₱50 million a gungguna para iti pannakatiliw ni Dela Rosa.
Sumangsango ti Senador iti kaso a murder ken attempted murder iti International Criminal Court seknan iti war on drugs ti administrasyon ni sigud a president Rodrigo Duterte.
