Pinatgan ti Department of Education (DepEd) dagiti pagadalan a mangsuspinder iti face-to-face ken online classes iti kanito a dumanon iti 42°C ti temperatura.
Iti sidong ti DepEd Memorandum No. 64, s. 2026, maibasar ti desisyon iti temperatura ken humidity iti uneg ti pagadalan.
Iti nasao a memorandum, regular ti face-to-face classes no nababa iti 27°C ti temperatura.
Mabalin a pabassiten ti oras ti klase wenno mangipatungpal iti hybrid learning iti kanito a dumanun iti 27°C agingga 32°C ti temperatura.
Kabayatanna, suspindedo ti face-to-face classes ken home-based learning no dumanun ti temperatura iti 33°C agingga 41°C, bayat a masuspinder amin a klase, physical ken home-based activities iti kanito a dumanon iti 42°C nga agpangato ti temperatura.
Sigun kenni Education Secretary Sonny Angara, panggep ti baro a polisia a salakniban ti salun-at ken kinatalged dagiti estudiante ken mannursuro iti baet ti El Niño phenomenon.
