Pimmusay ti agarup 68 nga indibidual kalpasan a nagbinnangga ti dua a high-speed train sadiay Spain idi Mierkules, Oktobre 28, 2026.
Napasamak ti insidente sadiay Castilla-La Mancha no sadino, dumanon iti 100 nga indibidual ti nadangran.
Sigun kadagiti otoridad, 100 a ti pakabuklan a bilang dagiti pasehero ti dua a train idi napasamak ti insidente.
Nagaramat pay iti helicopter dagiti otoridad tapno maiturong dagiti nasugatan a biktima iti ospital.
Kabayatanna, kinumpirmar ti Philippine Embassy sadiay Madrid a maysa a Pilipino ti nadangran.
Agtultuloy ti koordinasyon daytoy kadagiti otoridad ken train operators tapno maamuan no adda pay ti dadduma a Pilipino a karaman iti nadakamat a trahedia.
Kidkiddawen met ni Castilla-La Mancha president Emiliano García-Page iti publiko nga agidonar iti dara gapu iti nasao nga insidente.
Naituding nga agbisita ni Spain Prime Minister Pedro Sánchez iti nakapasamakan ti aksidente.
Agtultuloy paylaeng ti imbestigasyon dagiti otoridad, seknan iti napasamak nga insidente.//
