Impeksa ti Bacoor City Police a posible pay a manayunan dagiti reklamo seknan iti pannakaibelleng dagiti natay nga aso ken pusa idiay Bulacan itay nabiit.
Sigun iti nasao nga istasyon, iti agdama, addan iti 53 a reklamo a naawatda seknan iti nasao nga issue.
Kabayatanna, impeksa ni Bacoor Mayor Strike Revilla a saanen a makitintinulong kadagiti otoridad ti makinkukua iti pet crematorium.
Innayonna a imbilin ti nasao a makinkukua nga urayenna laengen nu anya dagiti kaso a maipila kontra kenkuana.
Maipalagip nga idi napalabas a lawas, nadiskobre ti bagi dagiti natay nga aso ken pusa iti igid ti kalsada idiay San Jose del Monte, Bulacan babaen iti residente iti nasao a lugar.
Dagiti nasao nga ayop ket maituding a macremate iti maysa a crematorium idiay Bacoor ngem naduktalan a saan gayam a nacremate dagiti nasao nga ayop.
