Nasarakan a nalamiis a bangkay ti 47-anyos a lalaki iti pagtaengan dagitoy sadiay Upper west, Camp 7, Baguio City itay nabiit.
Naireport ti insidente kadagiti otoridad babaen iti babae a kabsat ti biktima.
Maibasar iti inisial nga imbestigasyon, saan a sumungsungbat ti biktima iti awag ti kabsatana tapno mangan dagitoy.
Gapu iti dayta, nagdesisyon ti kabsat daytoy a serken ti kwarto ti biktima.
Dita metten a nasarakan ti natangken a bagi ti biktima.
Dagus a nirespondian dagiti otoridad ti nasao nga insidente.
Patien dagiti maseknan a pamilya a natural ti ipupusay ti biktima agsipudta addaan daytoy iti lung disease.
Nupay kasta, nagkiddaw ti funeral establishment a maalaan ti biktima iti post mortem examination wenno autopsy para iti death certificate daytoy.//Bombo Khey Reparip
