Inaklun ti Bureau of Jail Management and Penology (BJMP) a napulubusan ni Leyte Rep. ken sigud nga Speaker Martin Romualdez a maaddaan iti personal staff iti uneg ti detention cell daytoy idiay New Quezon City Jail.
Kinumpirmar daytoy ni Jail Superintendent Maria Lourdes Pacion kabayatan ti panagdengngeg iti antigraft court’s Third Division a nakaiggem iti kaso ni Romualdez seknan iti maatap a kickbacks a naawat daytoy manipud iti P7.44 billion a government infrastructure projects.
Inlawlawag ni Pacion nga ipalubos ti BJMP dagiti personal assistance para kadagiti balud nga agkasapulan iti medical attention.
Innayon ti opisial nga adda dagiti napalpalabas a balud a naipaayan iti kapada a pribilehiyo a kas iti bedside care.
Nupay kasta, inaklunna a ni Romualdez laeng ti kakaisuna a balud a napalubusan a maaddaan iti personal staff iti uneg ti selda daytoy.//
