Impaganetget ni Education Secretary Sonny Angara a rumbeng a maibasar iti performance ken konstribusion iti publiko ti promosion dagiti opisial ken empleyado ti Department of Education (DepEd), imbes nga iti koneksyon iti politika.
Daytoy ti kinuna ni Angara kas paset ti mensahe daytoy iti inaugural Literacy and Numeracy Expo a naangay kagiddan ti Training of Trainers on the Institutionalization of Technical Assistance for Instructional Delivery sadiay Iloilo City.
Sigun kenni Angara, napateg ti panangbigbig ken panangipaay iti maitutop a gundaway kadagiti personnel a mangipakpakita iti nagsayaat ken napudno a serbisio publiko iti uneg ti departamento.
Impaganetgetna a ti naisangsangayan a serbisio iti publiko ti rumbeng a kangrunaan a pagbatayan ti pannakabigbig ken promosion ti tunggal empleyado.
