--Ads--
Kidkiddawen dagiti prosecutors ti International Criminal Court’s (ICC) ti “in-court protective and special measures” para kadagiti 55 a testigo manipud iti pagilian a Pilipinas.
Maibasar iti public redacted nga impila ni Acting Prosecutor Mame Mandiaye Niang, makidkiddaw iti Trial Chamber III a mapalubusan dagiti nagduduma nga addang tapno masalakniban dagiti testigo.
Karaman ditoy ti panagaramat iti alyas wenno dadduma a nagan, panagbaliw ti boses ken rupa ti saksi, panangisayangkat iti pribado wenno sarado a panagdengngeg ken pannakaipaay ti psychological support bayat nga agipapaay dagitoy iti testimonya.
Panggep daytoy a salakniban ti kinatalged, physical ken psychological a pagimbagan dagiti testigo, dignidad, ken privacy dagitoy.
