--Ads--
Kinumpirmar ni Senate Secretary ken Impeachment Clerk of Court Renato Bantug Jr. a naiserbin ti subpoena iti 21 kadagiti 24 a testigo a kayat nga ipasango ti depensa kas panagsagana para iti panagtuloy ti trial inton Nobyembre 9 agingga Nobyembre 13.
Sigun kenni Bantug,Jr., maipatulod ti nabatbati a tallo a subpoena inton Nobyembre 9.
Manamnama a mangrugi metlaeng iti nasao nga aldaw ti presentasyon ti depensa no sadino sumango dagiti testigo para iti direct ken cross examination kasta metten iti panagtingiting dagiti senator-judges.
Maipalagip a 24 ti nagbati a testigo ti depensa kalpasan nga immatras ni Dean Ralph Sarmiento nga agtestigo.
