Imbinglay ni Atty. Michael Poa, pannakangiwat ti depensa a mangipasangoda pay kadagiti testigo iti sumarsaruno nga alaldaw, tapno masungbatan dagiti dadduma pay nga issue iti Article II ti impeachment kontra kenni VP Sara Duterte.
Maipalagip nga inyebkas ti sumagmamano a senador ti pakaseknanda iti kinakurang iti detalye nga ipapaay dagiti testigo partikular iti GenCorp. Industries ken Metro City Chow Foods in-house lawyer Suzette Balucanag-Punay.
Sigun kenni Poa, addu pay dagiti testigo nga ipasango ken ipresenta ti depensa a mabalin a mangsungbat kadagiti nabatbati a damag seknan iti SALN ni Vice President Sara Duterte.
Impeksana metlaeng nga adda ti limitasyon ti ammo dagiti testigo isu’t gapunna nga adda dagiti damag a saan a masungbatan.
Saan metten nga innaganan ni Atty. Poa no asino dagiti dadduma pay a testigo nga ipasangoda sakbay iti impeachment court.
