--Ads--

Inlawlawag ni Atty. Elmer Datuin, Konsehal ti Baguio City ti singasing a Baguio City Integrated Early Childhood Care, Health, and Education (ECCD) System Ordinance.


Iti pannakiuman ti Bombo Radyo iti konsehal, inlawlawagna a ti ordinansa ket para kadagiti ubbing nga agtawen iti below 8-years old.


Sigun kenni Atty. Datuin, panggep ti resolusion a maipaay ti pagsayaatan dagiti ubbing iti suidad ti Baguio.


Gapu iti dayta, panggepda a maaddaan iti playground ti tunggal barangay nga addaan iti umdas nga espasyo, mapasayaat dagiti Day Care Center ken dadduma pay.


Iti agdama, addan iti maikadua a pannakaibasa ken para iti publication ti nasao nga ordinansa.


Manamnama metlaeng a maisayangkat ti public consultation tapno mangenggan ti benneg ken singasing dagiti nagduduma a maseknan nga indibidual.//mp4