Bimmaba ti bilang dagiti barko ti China iti sumagmamano a paset ti West Philippine Sea manipud Nobiembre 9 agingga 16 iti agdama a tawen.
Sigun iti Armed Forces of the Philippines (AFP), dumanon iti 19 a barko ti China ti nasaripatpatan dagitoy, nababa no idilig iti 29 a barko a nailista idi napalabas a lawas.
Karaman kadagiti naiwanawan dagitoy ti barko ti Chinese Navy ken China Coast Guard.
Iti nasao a bilang, innem ti nasaripatpatan iti Ayuning Shoal, siam iti Bajo de Masinloc, tallo iti Pag-asa Islands ken maysa iti Escoda Shoal.
Kabayatanna, agtultuloy ti tensyon iti West Philippine sea gapu iti panangtagikua ti China iti dandani pakabuklan a paset ti nasao a baybay.
Maipalagip nga idi 2016, nangipaulog iti desisyon ti international arbiral tribunal a pabor iti Pilipinas ken awan ti legal a basaran iti panangtagikua ti pagilian a China iti West Philippine sea.











