Innem nga indibidual ti nadangran kalpasan iti pannakabangga ti maysa a 10-wheeler truck iti warehouse sadiay Marcos Highway, Philippine Rabbit Compound, Poblacion, Tuba, Benguet idi Nobiembre 16, 2026.
Karaman kadagiti nadangran dagiti tallo nga occupant ti truck ken uppat nga indibidual nga adda iti warehouse.
Maibasar iti impormasion manipud kadagiti kapulisan, dua kadagiti truck driver ti nakaruaren iti ospital kalpasan a naipaayan iti medikal a tulong, bayat a ti helper iti nasao a truck ket nagtalinaed iti ospital no sadino mabanbantayan.
Iti sabali a bangir, uppat met nga indibidual ti nadangran iti warehouse, a pakairamanan ti maysa a 39-anyos nga ina ken tallo nga menor de edad, dua a babbai ken maysa a lalaki.
Maibasar iti impormasion, nabali ti tulang ti ina, bayat a nagtamo met dagiti fractures dagiti dadduma a biktima. Naibaga met a ti kaubingan kadagiti menor de edad ket nagsarap iti severe injuries, bayat a ti maysa a babai ket nagsagrap met iti internal bleeding.
Amin dagiti uppat nga occupant ti warehouse ket naiturong iti ospital para iti agdama a medikal a panangagas no sadino iti agdama, adda pay laeng dagitoy iti ospital gapu paylaeng dagiti injuries a nasagrap da.
Maipalagip a nadungpar ti truck iti nasao a warehouse kalpasan a nakapasar daytoy iti mechanical defect wenno loose brake ti lugan.
Naglaon met ti nasao a lugan iti galon ken drum nga addaan iti used oil idi napasamak ti insidente no sadino manarimaan pay laeng a maisimsimpa dagiti natinnag ken naiwara a karga daytoy iti place of incident.
Dagus a nagresponde iti lugar dagiti personnel ti Tuba Municipal Police Station (MPS), Tuba Municipal Disaster Risk Reduction and Management Office (MDRRMO), Tuba Bureau of Fire Protection (BFP), ken 911-Baguio tapno maitulong dagiti biktima ken maaramid ti umno a panangresponde.
Iti agdama, agtultuloy pay ti panangmonitor iti kasasaad dagiti biktima ken ti imbestigasion maipapan iti eksakto a rason ti insidente.
Nagpalagip met dagiti otoridad kadagiti motorista a masapul a nasayaat a kitaen ken siguraduen ti kondisyon ti lugan sakbay a rumuar iti kalsada, nangruna kadagiti nadagsen a lugan ken dadduma pay a commercial vehicles, tapno maliklikan dagiti kasta a disgrasya.// via Bombo Khey Reparip











