--Ads--
Inwaragawag ni United States President Donald Trump a naaddaan iti baro ken inawaganna a pakaistoryaan a ‘trade deal’ iti nagbaetan ti Estados Unidos ken Pilipinas kalpasan iti panagsaritada kenni President Ferdinand Marcos, Jr. idiay APEC Economic Leaders’ Meeting a naangay idiay China.
Sigun iti social media post ni US President Trump, impeksana a makatulong ti nasao a katulagan kadagiti mannalon ken iti sektor ti enerhiya ti Amerika.
Inladawan pay ni Trump ti nasao a katulagan kas “true landmark” ken imbinglayna a naaddaanda iti nasayaat a panagsarita kenni PBBM seknan iti trading, national security, ken dadduma pay.
Saan metten daytoy a mangipaay iti kanayunan a detalye iti napagsaritaan a trade deal.











