Inyebkas ni Lieutenant General Michael G. Logico, PA- Superintendent iti Philippine Military Academy (PMA) ti pannaka-impressna kalpasan ti balligi a pannakaipatungpal ti kaunaan a Philippine Military Academy International Cadet Conference (PMAICC).
Ti nasao nga aktibidad ket inorganisar ken plinano dagiti kadete wenno “For the cadettes by the cadettes”.
Nagserbi kas tema ditoy ti “From cadettes to catalyst: Transformation leadership in a globalized world”.
Sigun kenni Lieutenant General Logico, agserbi kas nasayaat a training para kadagiti kadete ti PMAICC nga agplano, ag-budget ken ag-execute iti activity.
Inlawlawag ti nasao nga opisyal nga iti kinabayag daytoy a maipatpatungpal, ita laeng a naipaubaya kadagiti kadete ti panagplano, organisa, panagbudget, panag-awis ken dadduma pay.
Dumanon iti agarup 37 a selected international caddete dagiti nakipaset.
Innayunna pay a nasken a maipaay amin kadagiti kadete dagiti kaskenan a trainings para kadakuada bayat a maidevdevelop ti character, academic, military training, ethical decision training ken dadduma pay a nasken a maisuro iti nasapsapa kadagiti kadete.
Kabayatanna, kinuna ni Logico a maysa kadagiti nasken nga idevelop metlaeng dagiti kadete ti kolaborasyon.
Imbinglay met ti opisyal a naapresiar met amin dagiti kadete ti napasamak nga aktibidad.
Iti sabali a bangir, mangipatungpal dagitoy iti action review para iti posibilidad a maipatungpal daytoy tunggal tawen.
Innayun ti opisyal nga adu dagiti pagsayaatan ti nasao nga aktibidad no sadinno mamati ti opisyal a suportaran daytoy dagiti adda iti ngatuen a position. //Bombo Noveh Organo











