Inwaragawag ni Senate President Pro Tempore Panfilo Lacson a karaman kadagiti talantanen da iti naituding nga all-senators’ caucus inton Lunes ket ti saan pay laeng a panag-atendar ni Senator Ronald “Bato” Dela Rosa kadagiti session ti Senado.
Sigun kenni Senator Ping Lacson, kasapulanda nga adalen manen dagiti pagalagadan ti Senado ken ammuenda nu kasanoda nga iyaplikar daytoy iti kaso ni Senator Dela Rosa.
“May rules kami pag continuous absence sa committee, nawawala ang membership sa committee. As far as plenary, wala kaming rules,” dinakamat ni Lacson.
“I think we should revisit the rules of the Senate para ma-incorporate ang situation like that of Senator Bato.”, innayon pay daytoy,
Kabayatanna, Innayonna a matalantan metlaeng iti nasao a caucus nu kasano ti umno a pamay-an a makikoordinar ti Senado iti Embahada ti China kalpasan iti nagbalin a tensyon iti nagbabaetan dagiti opisyal ti Pilipinas ken China. //BomboKCS
