BAGUIO CITY – Nakemmeg ti ag-live-in partner sadiay Kibungan, Benguet kalpasan a nakumpiskaran dagitoy iti marijuana seeds ken marijuana leaves.
Nabigbig dagitoy a da Edward Calayon, 58-anyos, mannalon ken ni Betty Yubos, 63-anyos.
Nakemmeg dagitoy sadiay Moling, Palina, Kibungan, Benguet kabayatan ti panagpatrolya dagiti pulis tapnu iberipikar ti naireport a marijuana plantation.
Naamuan a nakita dagiti pulis ni Calayon a naka-iggem ti marijuana stalks iti sangwanan ti balayda kadwana ti live-in partner-na.
Narekober iti dua ti dumanon 500 a gramo ti marijuana seeds ken 14,850 a napagango a marijuana leaves and stalks nga aggatad amin iti nasurok P1.8-M.
Sumangsango ita dagiti dua iti kaso a panaglabsing iti RA 9165 wenno iti Comprehensive Dangerous Drugs Act of 2002.
