Temporaryo a na-isolate ti agarup 1,000 a pamilya iti sumagmamano a lugar sadiay Barangay Santa Fe, San Marcelino, Zambales kalpasan a nadadael ti ar-aramatenda a rangtay gapu iti epekto ti Habagat.
Gapu iti nagtultuloy a tudo nga intunda ti Habagat wenno Southwest Monsoon, nag-ayus ti lahar manipud iti Mount Pinatubo kalpasan a nadadael ti dike.
Naapektaran iti lahar ken layus tdagiti sumagmamano a komunidad.
Sigun kadagiti maseknan nga opisiales, 19 a babbalay ti totally damage bayat a 22 dagiti partially damage.
Naad-daan dagiti residente iti gundaway a nagbakwit gapu iti in-inut panagngato ti lahar.
Awan ti naipadamag a pimmusay wenno nadangran iti napasamak nga insidente.
Kabayatanna, nadadael idi Agosto 09, 2026 ti rangtay nga ar-aramaten dagiti residente.
Gapu iti dayta, agtal-talinaed paylaeng nga stranded dagiti residente sadiay.
