--Ads--
Pimmusay ti garup 25 nga idibidual iti intero a Ukraine, gapu iti Russian air strikes a nangpunteria iti maysa a pagbaludan ken maysa nga ospital iti nasao a pagilian.
Sigun kadagiti otoridad, napasamak ti makapapatay a panangraut iti pagbaludan ti Bilenke iti makin-abagatan a rehion ti Zaporizhzhia no sadino, 19 a balud ti napapatay ken nasurok a 50 ti nasugatan.
Gapu iti nasao nga insidente, nadadael ti kaabay daytoy a pagtaengan ken pasdek.
Sigun iti regional leader Ivan Fedorov, nangipatulod ti Russia iti walo a high-explosive aerial glide bombs.
Kabayatanna, kinondinar daytoy ni Ukrainian President Volodymyr Zelensky.
Maipalagip a ti Zaporizhzhia ket maysa kadagiti uppat nga eastern regions ti Ukraine nga ag-agawen ti Russia.
