Inwaragawag ti Commission on Elections nga agarup 200 nga automated counting machines (ACMs) iti pagilian ti nasukatan kalpasan a nagpalya dagitoy bayat ti panagbotos.
Sigun kenni COMELEC Chairman George Erwin Garcia, dagitoy ket saan a simmardeng nu di ket dua a daras a saanna a mabasa dagiti balota.
Kinuna ni Garcia a dagus met a nasukatan dagiti nagpalya nga automated counting machines tapno naannayas latta ti panagbotos.
Dagiti nagmalfunction nga automated counting machines ket nairekord idiay Cebu bayat a dagiti technical issues kas iti pannakaitantan ti panagbilang iti botos ket naobserbaran idiay Lipa City, Batangas.
Napasaran met ti panagreject dagiti automated counting machines kadagiti balota idiay Zamboanga del Sur, Ilocos Sur, Cagayan, Negros Oriental, Bohol, Aklan, ken Lanao Del Norte.
Kabayatanna, napasaran ti Voter Verifiable Paper Audit Trail jamming idiay Santa Cruz, Laguna ngem dagus met a nasulbar ti electoral board.
