--Ads--
Agarup 28,000 a masikog iti pagilian ti agnumar iti pannakapalawa ti Pantawid Pamilyang Pilipino Program (4Ps).
Daytoy ket kalpasan a pinirmaan ni President Ferdinand Marcos Jr. ti singasing a pannakairaman dagiti masikog ken agpaspasuso nga inna iti 4Ps.
Babaen iti daytoy ket matulonganda a mangipaay kadagiti kasapulan dagiti annakda iti umuna a sangagasut nga aldaw.
Inlawlawag met ti Department of Social Welfare and Development (DSWD) a saan pay daytoy a maipatungpal a dagus gapu ta maipoproseso pailaeng dagiti guidelines.
Iti agdama ket adda ti nasurok P106 billion a nailatang a pundo para iti 4Ps program a mangbenepisyo kadagiti 4.4 million a households iti pagilian.
