--Ads--
Pimmusay ti agarup 69 a migrants kalpasan a nalned ti bangka a nagluganan dagiti agarup 157 a tattao iti taaw ti Yemen.
Nalned ti nasap a bangka gapu iti saan a nasayaat a sasaaden ti panawen.
Nagtaud ti capsized a bangka iti southern province ti Abyan sadiay Yemen.
Sigun iti chief ti International Organization for Migration (IOM), 12 dagiti naispal bayat a mapukpukaw paylaeng dagiti adu a biktima.
Kaadaun kadagiti biktima ket maatap nga Ethiopian nationals.
Kabayatanna, inwaragawag ti Abyan security officials a naiyuswat ti search-and-rescue mission para iti pannakasapul dagiti dadduma.
Maipalagip a ti Yemen ti maysa a kangrunaan a pagpagnaan dagiti migrants manipud sadiay Africa tapno agsapul iti trabaho kadagiti dadduma a pagilian.
