Dumanon iti agarup 74, 800 a pamilya wenno 261,000 nga indibidual ti apektado iti Habagat, bagyo a Luis ken Maymay.
Iti datos ti Office of Civil Defense, dumanon iti 2,500 a pamilya ti adda kadagiti 83 nga evacuation centers bayat a 2,200 nga indibidual ti adda kadagiti dadduma a natalged a lugar.
Kabayatanna, dumanon iti 63 a lugar ti nalayus no sadino, kaaduan kadagitoy ket iti Region 1, Region 3 ken Calabarszon
Nailista metlaeng ti panagreggaay ti daga iti Region 1 ken iti rehion Cordillera.
Gapu iti dayta, maibalbalakad kadagiti agpampanggep nga agturong iti rehion nga itantanda paylaeng ti lakad dagitoy gapu iti peggad ti panagregaay ti daga ken bato kadagiti kalsada iti probinsiya ti Benguet.
Iti sabali a bangir, dumanon iti 120 a babbalay ti nadadael iti Region 1, Cordillera ken Region 3.
Nakanselar metlaeng ti biyahe kadagiti 13 a sangladan iti Region 1, 3, 5 ken MIMAROPA.
Sigun kenni CD Deputy Administrator and Assistant Secretary Bernardo Rafaelito Alejandro IV, agtultuloy ti panangipaay dagitoy iti tulong kasta met ti panagwanawanda iti kasasaad ti nagduduma a paset ti pagilian.
Sigun iti PAGASA, agtultuloy a mapasaran ti tudo agingga inton sumaruno a lawas gapu iti southwest monsoon.
