Dumanon iti agarup 75% kadagiti business establishments idiay La Trinidad, Benguet ti naglabsing iti Anti- Plastic Bag and Styrofoam Ordinance sadiay.
Sigun kenni Arthur Pedro, administrative officer V iti Municipal Environment and Natural Resources Office iti munisipyo ti La Trinidad, a manipud iti tallo gasut a business establishments a minonitor dagitoy, kaaduan kadakuada ti agtaltalinaed nga agar-aramat iti plastic bag.
Gapu iti dayta, naipaayan dagitoy iti notice of violation ken penalty.
Dagiti first time offenders ket agmulta iti P1000, para kadagiti second offenders iti nasao nga ordinansa ket agmulta iti P1, 500 ken dagiti third offenders ket agmulta iti P2, 500.
Innayon ni Pedro a kadawyan kadagiti offenders ket dagiti babasit a business establishments.
Gapu iti kinaadu dagiti business establishments nga agar-aramat kadagiti plastic, kanayun a balbalakadan dagiti personnel ti Municipal Environment and Natural Resources Office dagitoy nga ag usarda kadagiti dadduma a packaging materials kas iti ecobag.
Malaksid iti dayta, balbalakadan metlaeng ni Pedro dagiti umili ti La Trinidad nga ag-awitda kadagiti ecobag wenno bayong dagitoy nu apanda agpalengke.
Iti agdama ket madama paylaeng ti monitoring dagitoy kadagiti nagduduma nga establishments gapa ta sigun ken Pedro ket saanda paylaeng a na monitor dagiti amin a business establishments iti amin a barangay ti nasao a munisipyo.
