Mapatta-patta a dumanon iti P441.87 million ti kasapulan a pundo para iti pannakatarimaan dagiti nadadael nga imprastraktura iti rehion Cordillera gapu iti panangdalapus dagiti bagyo a Kristine ken Leon, sigun kenni Department of Public Works and Highways (DPWH)-Cordillera Director Khadaffy Tanggol.
Maibasar iti kaudian a datos iti Department of Public Works and Highways (DPWH)-Cordillera, dumanonen iti agarup P147.17 million dagiti nadadael kadagiti kalsada iti region Cordillera gapu iti panangdalapos dagiti bagyo a Kristine ken Leon.
Nailista iti P55.57 million a gatad ti nadadael kadagiti kalsada bayat a P91.6 million ti nadadael kadagiti flood control projects.
Kaaduan a nakapasar iti pannakadadael ti Probinsia iti Kalinga a dumanon iti agarup P30.5 million, sinaruno ti Mountain Province a P76.6 Million.
