Nakanselar ti agarup sangagasut a biyahe idi kalman kadagiti airlines gapu iti epekto ni Super Typhoon Carina ken ti Southwest Monsoon.
Kangrunaan kadagiti nakanselar a flights ket ti paturong Taiwan.
Immuna a nagballag ti Manila International Airport Authority a nakanselar dagiti 114 a flights kadagiti nagduduma a Ninoy Aquino International Airport (NAIA) terminal nu sadino pakairaman daytoy dagiti domestic ken international flights.
Gapu kadagiti panakaitantan ken panakakanselar dagiti biyahe, nastranded dagiti ado a pasaheros iti Ninoy Aquino International Airport Terminal 3 bayat a ti Ninoy Aquino International Airport Terminal 4 ket naiparekkep gapu iti panakalayos daytoy.
Kabayatanna, nangipaay ti Department of Migrant Workers (DMW) iti assistance kadagiti nastranded nga Overseas Filipino Workers a paturong Taiwan.
