Pimmusay ti agarup sangapulo nga indibidual bayat a mapukpukaw ti uppat a pulo kalpasan ti napasamak a napigsa a panagbayakabak ti tudo iti pagminaan idiay Indonesia’s Sulawesi island.
Sigun kenni Heriyanto, dadaulo ti maysa a rescue team, dagiti pimmusay ket minero ken residente.
Nakadeploy met ti 164 a personnel a buklen dagiti national rescue team, police ken military personnel para iti panakabirok dagiti mapukpukaw nga indibidual.
Nu pay kasta, agbalbalin a lapped ti saan a nasayaat a paniempo para iti panakaipatungpal ti search and rescue operation.
Nagballaag met ti Indonesia’s disaster agency iti publiko nga agbalin dagitoy nga alerto nangruna ket posible a mapasaran pay ti napigsa a panagbayakabak ti tudo iti nasao a pagilian.
Maipalagip nga idi Mayo ket napasamak ti flash floods a nangitunda iti ipupusay ti agarup lima pulo nga indibidual kasta met nga idi Abril ket napasamak ti panagreggaay idiay South Sulawesi a nakatayan ti sangapulo ket walo nga indibidual.
