BAGUIO CITY – Manarimaan ti imbestigasyon dagiti maseknan nga otoridad iti napasamak a panangdangran iti agassawa idiay Bangued, Abra.
Iti inisyal nga imbestigasyon, rinaut ti tallo a lallaki ti agassawa gapu ta saanda a maka-cash out ti kuarta iti e-wallet dagitoy.
Maibasar iti CCTV footage, makita ti panagraut ti maysa a lalaki iti lalaki nga akinkukua iti sar-sari store.
Nu sadino kinabkabil ti lalaki a suspek ti lalaki a biktima a nangitunda iti panaglaban dagitoy.
Pinadas ti biktima a babai a pasardengen dagitoy ngem nairaman a nadangran.
Simmangpet ti dua pay a lalaki ken dinangranda metlaeng ti agassawa.
Simmardeng laeng ti panag-aapa idi dimteng ti kaarruba a naganawa kadagitoy.
Sigun iti asawa a lalaki, nagunget ti customer gapu ta saanda na-cash out ti P200 iti e-wallet dagitoy nu sadino awan ti naawatda a kwarta.
