--Ads--
Balligi a nadiskubre ti aggatad iti P2 million a marijuana plants sadiay Sitio Balbalnag, Badeo, Kibungan, Benguet idi laeng kalman.
Naballigi ti nasao nga operasyon babaen iti nagtipon a pwersa dagiti otoridad babaen iti panangidaulo ti Kibungan, Municipal Police Station kaduada dagiti personnel manipud Provincial Drug Enforcement Unit, Police Intervention Unit- Benguet ken dadduma a yunit ti pulisya.
Nagresulta ti operasyon iti pannakadiskubre ti 10,200 a pidaso ti nasao nga illegal a mula manipud kadagiti dua a plantasyon.
Dagus met a pinarut ken inuram daytoy dagiti otoridad.
Nupay kasta, awan ti natiliwan dagitoy a cultivator wenno nagmula.
