--Ads--
Dumanon iti P12million ti gatad ti fully grown marijuana plants a pinarut ken inuram dagiti kameng ti pulisya idiay Barangay Nambaran Tabuk City, Kalinga idi laeng Biernes, Hulyo Bente sais.
Nadiskubre dagiti nasao a mula bayat ti impatungpal a marijuana eradication operation ti nagtipon a pwersa ti Kalinga Provincial Police Office, Provincial Drug Enforcement Unit, Provincial Intelligence Unit, Tabuk City Police Station, 1st Kalinga Provincial Mobile Force Company,ken ti Philippine Drug-Enforcement Agency-Kalinga.
Kabayatanna, agtultuloy ladta met ti panangipatungpal dagiti kameng ti pulisya iti nasao a probinsya ti operasyon tapno mabigbig ken makemmeg dagiti adda iti likudan dagiti panakaimula dagiti marijuana.
