Impakaammo ti National Telecommunications Commission (NTC) nga in-activaten dagiti regional offices dagitoy dagiti amateur ken civic radio action groups a mangsuportar iti government emergency communications ken public assistance operations gapu iti possible nga epekto ti bagyo nga Uwan.
Sigun iti nasao nga ahensya paset daytoy ti panagsagana ti gobierno para iti proactive ken naing-inget a disaster preparedness.
Kinunada a tunggal regional office ket makikikoordinarda kadagiti Local Disaster Risk Reduction and Management Office (LDRRMO) tapno masigurado ti nasayaat a linya ti communication kasta metten ti effective response coordination.
Kagiddan dayta, nagpalagip dagitoy kadagiti amin a radio operators nga ipangpangruna ti emergency traffic ken ti nainget a panangsurot dagitoy iti standard communication protocols tapno mamintiner ti naurnos a radio traffic bayat ti bagyo.
