Imbinglay ni President Ferdinand “Bongbong” nga ikonkonsidera ita ti gobyerno ti amin nga opsyon tapno maaddressan ti epekto ti mapaspasamak a tensyon idiay Middle East iti pagilian a Pilipinas.
Daytoy ti nagbalin a sungbat ti presidente seknan iti pannakaibasura ti Oil Deregulation Law iti tenga ti nangato a presyo ti produkto a petrolyo.
Inlawlawag pay ni President Marcos, Jr. nga agtultuloy ita ti panangadalda kadagiti posible nga addang pakairamanan ti panangikat iti Value Added Tax (VAT) kadagiti fuel imports.
Nupay kasta, impettengna a nakapokus ita ti gobyerno kadagiti direkta a solusyon para kadagiti Pilipino.
Innayonna a kasapulan ti atidog a diskusyon tapno maamyendaran ti Oil Deregulation Law isu’t gapunna a saan daytoy a dagus a maipatumpal.
Iti agdama,sigun iti presidente, ununaen pay ti administrasyon ti dagos a panangipaay ti tulong kadagiti Pilipino. //bombokaren.c.s
