Inlawlawag ti Department of Labor and Employment (DOLE) nga awan ti naituding a nationwide increase iti minimum wage inton Mayo a-uno.
Sigun kenni Labor Secretary Bienvenido Laguesma, agtalinaed a nakadepende iti tunggal rehiyon ti panag-adjust ti sweldo babaen iti Regional Tripartite Wages and Productivity Boards (RTWPBs).
Inlawlawag pay ni Laguesma a ti laeng Kongreso ti mabalin a mangituding iti linteg para iti across-the-board wage hike.
Iti agdama, nakabasar ti tunggal rehiyon iti inflation, presyon dagiti gagatangen, ken kondisyon ti ekonomiya sakbay a mangituding iti wage increase.
Innayon daytoy a dumalan pay iti regular a proseso ti panangadal dagiti wage boards ti kiddaw dagiti nagduduma a labor groups a P200 wage hike.
Sigun pay iti nasao nga opisina, mangrugi inton Mayo ti baro a wage cycle para ti 2026-2027 no sadino adalen manen ti tripartite boards ti posible a panagngato ti sweldo kadua dagiti representatives iti gobyerno, mangmangged, ken employers. //bombokaren.c.s