Impatangken ti Malakanyang nga awan ti impeachable offense nga inaramid ni President Ferdinand Marcos Jr.
”Malakas po ang loob ng ating Pangulo na wala po siyang nalabag na anumang batas at hindi po siya gumawa nang anumang impeachable offense,” sigun kenni Palace Press Officer Undersecretary Atty. Claire Castro.
Impetteng ni Castro a dagiti akusasyon kontra iti Presidente ket nasken a mapaneknekan partikular ti maibagbaga a Baselined-Balanced-Managed (BBM) Parametric Formula.
Rimwar ti statement ti Malakanyang kalpasan ti plano a pannakaipila ti maika-dua nga impeachment complaint kontra kenni President Marcos ngem saan nga inawat ti opisina ti House Secretary General agsipud ta napan idiay Taiwan ni House Secretary General Cheloy Garafil nga awtorisado a mang-awat iti nasao a reklamo.
Ti reklamo ket indauloan ti Bagong Alyansang Makabayan a mangipekpeksa iti pannakadismayada iti presidente.
Sigun met kenni sigud a Bayan Muna representative Atty. Neri Colmenares, imbatida ti kopya ti reklamo iti opisina ti Secretary General ken imbilangda daytoy a naipilan kas maibasar iti Saligang Batas ken rules on impeachment.
Nakalanad iti reklamo ti nasao a group a maimpeach ti presidente gapu iti betrayal of public trust.
Naakusaran metlaeng ni Marcos iti tallo nga impeachable acts pakairamanan ti pannakaadaptar ti Baselined-Balanced-Managed (BBM) Parametric Formula iti panangilatang iti infrastracture project a mapapati a nangitunda iti naanomalya a proyekto.
