Ammuyu kadi ka-Bombo nga adda ti maysa a babai a nagaplikar ti certificate of no marriage wenno CENOMAR, ngem ketdi ti naalana ket ti marriage certificate?
Nakigtot ti maysa a babai a nagaplikar iti certificate of no marriage (CENOMAR) iti opisina ti Philippine Statistics Authority sadiay Bacolod City, ngem ti naawatna ketdi ket ti kopia ti marriage certificate daytoy.
Sigun kenni Evelyn Ruelan, agasawa paylaeng daytoy isut rason a kayatna a mangala ti CENOMAR.
Ngem maiparparangarang iti dokumento a naki-asawa daytoy iti Indian citizen idiay Velenzuela.
Kinuna ni Ruelan a saanna pay nga am-ammo ti asawana a lalaki iti marriage certificate ken saan pay a nagturturong daytoy idiay Valenzuela.
Ti nakaskadaaw, naglaon ti pudno a personal a detalye ti marriage certificate a naipaay kenkuana.
Naituding a makiasawa ni Ruelan iti partnerna inton Disiembre.
Ngem gapu iti napasamak, naitantan ti kasar agingga a marisut ti isyu.
Naituding a mapan ni Ruelan iti Philippine Statistics Authority sadiay Bacolod para iti imbestigasion.
Sigun kenni John Campomanes, chief statistical specialist ti Philippine Statistics Authority iti Negros Occidental, mabalin nga adda nangusar kadagiti detalye ni Ruelan a saanna nga ammo.
