Iti gagar nga agbalin kas maysa nga ina, nagbalin nga emotionally attached ti maysa a babai idiay New York kadagiti ginatangna a munyeka.
Kadawyanen a maar-aramat dagiti Reborn Dolls kas therapy wenno comfort kadagiti agsagsagaba iti infertility,infant loss, ken dementia.
Ngem iti kaso ni Kelly Cunningham, gimmatang laeng daytoy iti munyeka para iti maika duapulo ket pito a panagkasangayna nu sadino, dagusna a narikna ti maternal instinct daytoy.
Kasaruno dayta, saanen a mailadawan ni Cunningham nu kasano a nangrugi ti nalabes nga iyaasideg ti riknana kadagiti munyeka a dimmanon iti punto nga inbreastfeed na pay dagitoy.
Ngem idi imbinglayna ti panangibreastfeed ken panagtimplana iti fake baby formula kadagiti daduma pay nga addaan metlaeng iti kapada a munyeka, binabalwda daytoy.
Malaksid iti dayta, adu metlaeng iti masmasdaaw iti ar-aramiden ni Cunningham nu sadino, iladladawan ti daduma a weirdo daytoy.
Nupay kasta, awan ti pakialam ni Cunningham iti anyaman a maibaga dagiti makakitkita iti ar-aramidenna.
