Nabigbig a ti suspek a napapatay a maikonkonsidera kas “subject involved” iti panakapaltog ni sigud a US President Donald Trump a ni Thomas Matthew Crooks, baente anyos ken residente iti Pennsylvania.
Daytoy ket sigun iti Federal Bureau of Investigation (FBI).
Maibasar iti state’s voter records, ni Crooks ket nakarehistro kas maysa a Republican ken iti edad daytoy a sangapulo ket pito ket nakaidonar daytoy iti $15 iti Democratic political action committee.
Maipalagip a kabayatan ti panagkampanya ni Trump idiay Butler, Pennsylvania ket bigla a napaltogan daytoy rason a napaigem daytoy iti makinkanawan a lapayagna ken napayuko.
Dagus met a prinotektaran dagitoy dagiti Secret Service agents ken inturongda iti luganna.
Sigun kadagiti saksi, ti suspek a nangpatog kenni Trump ket adda iti bubong iti maysa a pasdek nu sadino dagiti Secret Service agents ti nakapapatay kenni Crooks.
Kabayatanna, manarimaan pay laeng ti imbestigasyon maipapan iti motibo iti suspek iti panangpaltogna kenni Trump.
