BAGUIO CITY – Mairikep iti dua nga aldaw ti Baguio City Hall mangrugi ita a Miyerkules kalpasan a nagpositibo iti COVID-19 ti tallo nga empleyado sadiay.
Sigun kenni Mayor Benjamin Magalong, dagiti nagpositibo iti virus ket bin-ig a nakadesignar iti PFVR Gym.
Gapu iti daytoy, maiserra paylaeng ti nasao a pasilidad ken suspendido ti panagproseso kadagiti travel documents epektibo ita nga aldaw.
Daytoy ket para iti disinfection ken nailaylayon a testing seknan iti nasao a kaso.
Malimitaraan met ti workforce ti gobyerno tapno laeng tuloy-tulloy dagiti napapateg nga operasyon ditoy siudad.
Umap-apela pay ti lokal a gobierno ti siudad kadagiti indibidual a nagturong sadiay PFVR ken City Hall manipud idi Hulyo 29 nga agpabigbig kadagiti otoridad ken agpaisidong iti self-quarantine kas protocol iti COVID-19.
Naskem met nga agpakita dagitoy iti doktor apaman a makapasarda iti sintomas ti COVID-19.
