BAGUIO CITY – Siento por siento a nakasagana ti Baguio City Police Office (BCPO) kadagiti anyaman a klase ti posibilidad a makapangta wenno riribok iti kinaulimek ti syudad para iti 2022 local ken national elections inton May 9, 2022.
Sigun ken BCPO City Director Pol. Col. Glen Lonogan, naulimek ti syudad tunggal panawen ti eleksyon babaen iti panagkaykaysa dagiti kandidato, supporters ken dagiti umili
Gapu iti dayta, kinunana nga iti pannakaipasigurado laengen iti pannakaipatungpal dagiti maximum public health standards kas iti social distancing kadagiti campaign rallies ken panagtulnog dagiti kandidato iti umno a pannakaimuntar dagiti campaign materials kadagiti common posting areas iti bantayan dagitoy
Nupay kasta, impasiguradona a nakasaganada iti anyaman nga oras para iti pannakaipasigurado ti naulimek ken naannayas nga eleksyon.
Mainaig iti dayta, inpanamnamana iti panagtalinaed nga apolitical dagiti kameng Baguio PNP
Imbinsana a dagiti personelda nga addaan iti kabagyan a kandidato uray anyaman a posisyon ket naiyakar kadagiti dadduma a probinsya.
