--Ads--
Napilitan dagiti otoridad idiay Canada nga inyakar dagiti ginasgasut nga indibidual–agraman ti dua gasut dua pulo ket lima a balud manipod iti maximum security prison.
Naimandato iti federal penitentiary idiay Port-Cartier a maibakwit ti agarup sangaribo a residente idiay Quebec City ken pito gasut lima pulo a mangmangged iti hydroelectric dam idiay Labrador.
Sigun kenni correctional services commissioner Anne Kelly, naiserra dagiti pagbaludan ken naballigi ti pannakaiyakar dagitoy.
Ti pagbaludan ket addaan kadagiti sumagmamano a “criminals” pakairamanan dagiti sumagmamano a “serial killers.”
Immunan a naideklara ti emerhensia iti nasao nga state idi laeng Biernes.
