Imbilin ti defense minister ti Israel kadagiti suldadona a lapdanda ti bangka a naglaon ti humanitarian idiay wenno tulong a paturong idiay Gaza nga addaan ti sangapulo ket dua nga aktibista, agraman ni Swedish climate campaigner Greta Thunberg.
Sigun iti Israel, saanda a kayat a makadanon ti bangka idiay Gaza.
Malaksid iti dayta, imbilin pay ti Israel kenni Greta ken ti kakaduana nga agserserbi kas Hamas propaganda mouthpieces nga agsublidan iti nagtaudanda a pagilian gaputa saanda a makadanon iti pagturunganda.
Ti bangka nga aw-awaganda a Madleen ket pimmanaw idiay Italy idi Hunio 1 nga addaan panggep a mangipaay ti humanitarian aid ken kontraen ti pananglapped ti Israel iti teritorio ti Palestine.
Kabayatanna, maibasar iti datos ti health ministry ti Gaza, dumanon iti agarup 54,880 ti pimmusay iti giyera idiay Gaza a kaaduan ket sibilian.
