BAGUIO CITY – Natagpuan ang bangkay ng isang lalaki sa lay-by area malapit sa Loakan Airport noong Agosto 29, 2025.
Ayon sa mga awtoridad, nagsasagawa sila ng routine patrol nang mapansin ang isang motorsiklo na nakaparada sa naturang lugar.
Nang hanapin nila ang may-ari ng motor, natagpuan nila ang isang lalaki na nakaupo at nakasandal sa concrete barrier ng kalsada. Sinubukan nilang makipag-usap sa lalaki, ngunit hindi ito tumugon.
Paglapit ng mga pulis, napansin nilang duguan ang ulo ng biktima at hawak nito ang isang Caliber Gun Armscor STK 100. Agad nilang ipinaalam ang insidente sa Baguio Emergency Medical Services, at kinumpirma nilang patay na ang lalaki.
Base sa identifiction card na natagpuan, ang biktima ay 25-taong gulang at residente ng Poblacion, La Trinidad, Benguet.
Patuloy ang mga awtoridad sa kanilang imbestigasyon upang matukoy ang sanhi ng pagkamatay at kung may iba pang mga detalye o suspek na may kinalaman sa insidente.//via Bombo Noveh Organo
